Dagskrá fyrir nemendur

Náttúruskóli Reykjavíkur býður upp á útikennslu fyrir grunnskólanemendur á grænum svæðum borgarinnar í samvinnu við ýmsa aðila.

Markmið

• Að vinna með nemendum og kennurum þeirra úti í náttúrunni.
• Að opna augu þátttakenda fyrir umhverfi sínu í gegn um útikennslu.
• Að nýta opin svæði Reykjavíkur til fræðslu fyrir skólabörn.

Dagskrá fyrir nemendur á vegum Náttúruskólans er öllum grunn- og leikskólum borgarinnar að kostnaðarlausu.  Skólar greiða fyrir flutning nemenda sinna og kennara til og frá kennslustað þar sem verkefnisstjóri Náttúruskólans tekur á móti hópnum.  Verkefnisstjóri Náttúruskóla Reykjavíkur sér um fræðsluna en ætlast er til að kennari fylgi hópnum, taki þátt í vinnunni og sé nemendum innan handar.

Nemendur koma sjálfir með nesti en Náttúruskólinn býður upp á heita hressingu í hléi.

Dagskrána verður að bóka fyrirfram og tekið er á móti bókunum í síma 411 8535 og í tölvupósti, natturuskoli@reykjavik.is.